Астанада жылыту маусымы аяқталды

Астанада күн жылынуына байланысты 19 сәуірден бастап жылыту маусымы аяқталды. Бұл туралы KAZ.NUR.KZ әкімдікке сілтеме жасап хабарлайды.

"Ауа райының қолайлы жағдайларына байланысты қала әкімдігі жылыту маусымын 19 сәуірден бастап аяқтау туралы шешім қабылдады", -делінген хабарламада.

Айта кетейік, 19 сәуірде Астанада қар шығаруға арналған полигонды еріген қар суы басып, Ұлы Дала даңғылын су шайып жатқаны хабарланған болатын.

Сондай-ақ синоптиктердің болжамынша, Астанада 19 сәуірде күндіз ауа температурасы 24 градусқа дейін жетіп, түнде 11 градусқа дейін төмендейді.

Еске салайық, 15 сәуірде Алматыда жылыту маусымы аяқталып, кезең-кезеңімен жылу өшірілгенін жаздық.