"Оянады дедіңіз ғой": сотта Бишімбаев пен көріпкелдің не жайында сөйлескені айтылды

Сот отырысында Бишімбаевтың телефоны тексеріліп жатыр. Судья 9 қараша – Нүкенова қайтыс болғаны күні Бишімбаев кімдерге қоңырау шалғанын айтты, деп хабарлайды KAZ.NUR.KZ.

Сағат 19:17-де Бишімбаев көріпкел Гүлнар Шымға телефон шалған. Ол онымен бір минуттай сөйлескен. Бұдан кейін сотталушы көріпкелге тағы төрт рет – 19:44-те, 19:56-да, 19:57-де және 20:01-де телефон соққан.

"Телефон соқтым... тамыры соқпай тұрды: не жағдай болып жатқанын білгім келді. Ол телефонын көтермеді, содан кейін ол "жедел жәрдем шақыр" деді. Мен оған: "Ол кешке оянуы керек дейсіз ғой, тамыры соқпай жатыр" дедім, - деп түсіндірді сот залында Бишімбаев.

Бұған жәбірленуші тараптың қорғаушысы Бишімбаевтың сол күні кімдерге хабарлама жібергеніне назар аударуды сұрады.

"Мынаған назар аударыңыздар, ол (Бишімбаев – ред.ескертпесі) 15:01-де оның жағдайына алаңдай отырып, "Гульфиза пиар" деген контактімен іскерлік мәселелер бойынша хат алмасқан. Яғни салқын қандылықпен жұмыстары бойынша хат жазысып отырған. Бұған қоса "Гүлнар Шым" деген көріпкелмен хат жазысқан. Яғни жедел жәрдем шақырудың орнына салқын қандылықпен хат алмасып отырған", - деді қорғаушы.

Ал судья Айжан Құлбаева Бишімбаевтың логикасын түсінбейтінін айтты.

"Сіз "Гүлнәр Шымға" жазып, "Есі сау ма?" деп сұрайсыз. Ол: "иә, сау" дейді, сіздің логикаңызды түсінбедім, сіз оның сау екенін білу үшін мың километр қашықтағы адамға жазып отырсыз. Оның жағдайы қандай екенін өзіңіз көрмедіңіз бе? Ол "иә, сау" деп жазады. Соған сеніп жүрсіз бе?", - деп сұрады судья.

Бұған Бишімбаев: "Иә, сендім, ол қорылдап ұйықтап жатты деп айтып тұрмын ғой" деп жауап берді.

Айта кетейік, бүгін судья бұған қоса Айжан Құлбаева айыпталушының басқа әйелдерге жазған хабарламаларын оқыды. Бишімбаев олармен келіншегі Салтанат Нүкенова қайтыс болған күні сөйлескен.