Орал әкімі Миржан Сатқанов қызметінен кетеді: әкімдік ақпаратқа қатысты пікір білдірді

БАҚ-та Орал қаласының әкімі Миржан Сатқанов өз еркімен қызметінен кетті деген ақпарат тарады. Бұған қатысты қала әкімдігі пікір білдірді, деп хабарлайды KAZ.NUR.KZ "Уральская неделя" басылымына сілтеме жасап.

Басылым жазуынша, желіде 47 жастағы Миржан Сатқанов өз еркімен қызметінен кетті деген ақпарат пайда болды.

Алайда Орал әкімдігі баспасөз қызметінің өкілдері бұл ақпаратты жоққа шығарып, ол шындыққа жанаспайтынын мәлімдеді.

"Қала әкімшілігіндегі өзге дереккөз де Миржан Сатқановтың қызметінен кеткенін растаған жоқ", - деп жазды басылым.

Айта кетейік, Орал қаласы әкімі Миржан Сатқанов су тасқынының екінші толқыны жақындап келе жатқанын ескертіп, кей аудандардың тұрғындарын эвакуациялануға шақырған болатын.

Мәтіннен қате тапсаңыз, бізге жазыңыз