15 мамырда Қазақстанда дабыл жүйесі қосылады

Ертең, 15 мамырда Астанадан басқа Қазақстанның барлық аумағында дабыл жүйесі қосылады. Оқу-жаттығу аясында ескерту жүйелерін сынақтан өткізу жоспарланған, деп хабарлайды Төтенше жағдайлар министрлігінің баспасөз қызметіне сілтеме жасаған KAZ.NUR.KZ.

Ведомство мәліметінше, 2024 жылғы 15-16 мамырда Абай облысының аумағында "Өрт-2024" республикалық командалық-штабтық оқу-жаттығу өтеді. Оқу үйлестіру және жетекшілік ету жөніндегі республикалық штаб Абай облысында орналасады. Оқу-жаттығу шеңберінде екі күн бойы барлық өңірлерде профилактикалық іс-шаралар кешені өткізіледі.

Оқу-жаттығу барысында басқару органдарын, азаматтық қорғаудың мемлекеттік жүйесінің күштері мен құралдарын табиғи өрттерді жою кезіндегі іс-қимылдарға дайындау мәселелері пысықталатын болады.

Оқу-жаттығу "Семей Орманы МОТР" РММ Бородулиха филиалының аумағында өтеді.

Сонымен қатар 15 мамырда сағат 12.55-те Астана қаласынан басқа барлық өңірде оқу-жаттығу аясында құлақтандыру жүйесін тексеру жоспарланған.

Мәтіннен қате тапсаңыз, бізге жазыңыз