Елдегі су тасқыны: ТЖМ өкілдері әлі қанша адам эвакуациялау пункттерінде екенін айтты

Су тасқынынана зардап шеккен 61 344 адам өз үйлеріне оралды. ТЖМ өкілдері су тасқыны жағдайы бойынша сағат 16.00-дегі ақпаратты жариялады, деп хабарлайды KAZ.NUR.KZ ведомствоға сілтеме жасап.

"Республика бойынша 61 344 адам өз үйлеріне оралды. 5 404 адам эвакуациялау пункттерінде", - делінген хабарламада.

Ведомство мәліметінше, 11 317 тұрғын үй мен 3 573 аула аумағынан су бұрылып, сорылды.

21,6 млн астам текше метр еріген қар суы сорып шығарылды, 7,9 млн қапшық және 1,5 млн астам тонна инертті материал төселген.

Айта кетейік, 16 мамырда Қазақстандағы су тасқыны бойынша жедел штаб жағдайды баяндаған еді.

Сондай-ақ Атырау облысының Құлсары қаласындағы залалды бағалау және өтеу жөніндегі комиссиясы залалды бағалау нәтижесімен келіскен тұрғындардың алғашқы легінен өтініштер қабылдаған болатын.

Мәтіннен қате тапсаңыз, бізге жазыңыз