Астанада оқушы 4-қабаттың балконынан құлай жаздаған бес жасар баланы құтқарып қалды (видео)

Астана мектептерінің бірінің 7-сынып оқушысы қайғылы жағдайдың алдын алды. Ол көпқабатты тұрғын үйдің төртінші қабатының балконында асылып тұрған бес жасар баланы құтқарып қалды. Бұл туралы елорда әкімдігіне сілтеме жасаған KAZ.NUR.KZ хабарлайды.

Әкімдіктің Telegram-дағы арнасында жарияланған видеодан тұрғын үйлердің бірінің төртінші қабатының ортақ балконында кішкентай бала салбырап тұрғанын көруге болады. Сәлден соң балконның есігі ашылып ересектеу бала шығып, кішкентай баланы қолынан тартып, көтеріп алады.

Әкімдік өкілдері баланы құтқарып қалған елордадағы №31 мектеп-гимназиясының 7-сынып оқушысы Ақан Әкімжанов есімді бала екенін хабарлады.

20 мамырда Ақан аулада ойнап жүріп, балконда кішкентай бала асылып тұрғанын естіп, бірден оны құтқаруға жүгіреді.

Ақан подъезге жүгіріп кіріп, бес жасар баланы балконға қарай қолынан тартып шығарған.

Ақан көпбалалы отбасынан шыққан екен. Ержүрек бала болашақта көмек қажет болған жағдайда оның да іні-қарындастарына да басқа адамдар көмек қолын созады деп үміттенетінін айтқан.

Мәтіннен қате тапсаңыз, бізге жазыңыз