Павлодар әкімі шағымданған тұрғындармен кездесті (видео)
Жарияланған күні:
Павлодар қаласының әкімі Хасар Хабылбеков қаладағы шағынаудандардың біріне барып, жергілікті тұрғындармен кездесті. Олар толғандырған мәселелерін айтты, деп хабарлайды KAZ.NUR.KZ. қала әкімінің Instagram-дағы парақшасына сілтеме жасап.
Горторг шағын ауданының тұрғындары әкімге сапасыз жолдарға және "Энтузиаст" бау-бақшасының қанағаттанарлықсыз жұмысы туралы шағым түсірген.
"Бүгін аталған үйлердің тұрғындарымен кездесу өткізіп, кәріз жүйесі салынып жатқанын, оған қосылғаннан кейін шағын ауданның 9 көшесіне асфальт төселетінін түсіндірдім. Қазір тұрғындарға ыңғайлы болу үшін жолдарға қиыршық тас төсейміз.
Бау-бақша жұмысы бойынша барлық мәселелерді талқылау үшін кәсіпкерлік бөлімімен, бау-бақша шаруашылығының төрағасымен және тұрғындармен бірлесіп жиналыс өткізу туралы шешім қабылданды", - дейді қала әкімі.
Хасар Хабылбеков тамыз айының соңына дейін кәріз құрылысы мен жолдарды жөндеу бойынша барлық жұмысты аяқтауды тапсырғанын мәлім етті.
Мақаланың түпнұсқасы: https://kaz.nur.kz/society/2105634-pavlodar-akimi-shagymdangan-turgyndarmen-kezdesti-video/
