Мамырда Алматы маңында қар жауды (видео)

Бүгін Алматы маңындағы тауларда қар жауды. Әлеуметтік желілерде мамыр айындағы ерекше ауа райы құбылысының куәгерлерінің видеолары пайда бола бастады. Ал мегаполистің өзінде күні бойы жаңбыр жауды.

Telegram-дағы Almaty News арнасында Алматы іргесіндегі "Лесная сказка" тау курортында қар жауып жатқанын көрсетілген видео пайда болды. Бірінші кадрда қарға жазылған бүгінгі күн – 26 мамырды көруге болады.

Қардың қалың жауып, көшеде тұрған үстел-орындықтарды жауып үлгергені байқалады.

Telegram-дағы "За нами уже выехали" арнасында тағы бір видео жарияланған. Онда "Ақ бұлақ" демалыс орны түсірілген.

Telegram-дағы Almaty Today арнасында Медеуге жақын жерде қар қалың жауғаны айтылады.

Мәтіннен қате тапсаңыз, бізге жазыңыз