Энергетика министрлігіндегі департамент басшысы жауапкершілікке тартылды

Бас прокуратура Энергетика министрлігі жобаны инвесторға келісуді кешіктіргенін анықтады. Осыған байланысты Энергетика министрлігінің департамент директоры тәртіптік жауапкершілікке тартылды, деп хабарлайды KAZ.NUR.KZ құзырлы органға сілтеме жасап.

Мемлекет басшысының тапсырмасына сәйкес прокуратура органдары маңызды инвестициялық жобаларды сүйемелдеу бойынша дәйекті жұмыс жүргізуде.

Бас прокуратура мен "Kazakh Invest" ҰК" АҚ (Task Force) бірлескен жұмысышең берінде Батыс Қазақстан облысында метанол өндірісі бойынша газ-химия кешенін салу жобасын іске асыратын отандық инвестордың проблемасы анықталды.

Атап айтқанда, Энергетика министрлігі заң талаптарын бұза отырып (15 жұмыс күні орнына) инвестициялар туралы келісім жобасы бойынша келіссөздер жүргізу жөніндегі комиссияны құру мерзімін 60 күнге дейін созған. 

Прокуратураның қадағалау актісі бойынша жол берілген бұзушылықтар үшін Энергетика министрлігінің департамент директоры тәртіптік жауапкершілікке тартылды.

Жалпы, прокурорлар елдің инвестициялық тартымдылығын жақсартуға, инвесторлардың құқықтарымен заңды мүдделерін қорғауды қамтамасыз етуге бағытталған.

"Бүгінгі таңда прокурорлар инвесторлардың 218 проблемалық кейсін шешті. Бұл жұмыс жалғасып жатыр және Бас прокуратура басшылығының ерекше бақылауында", - делінген хабарламада.