Алматының үш ауданында алдағы аптадан бастап ыстық су уақытша өшіріледі

Алматыда "Алматыжылукоммунэнерго" ЖШС қазандықтарында жөндеу жұмыстары жүргізілмек. Сондықтан коммуналдық қызметтер 10 маусымнан бастап кейбір үйлерде ыстық суды өшіре бастайды, деп хабарлайды қала әкімдігінің Telegram-дағы ресми арнасына сілтеме жасаған KAZ.NUR.KZ.

"Алматыжылукоммунэнерго" ЖШС қазандықтарында жоспарлы жөндеу жұмыстарын жүргізу кезінде қауіпсіздікті қамтамасыз ету үшін кейбір үйлерде ыстық сумен жабдықтау қызметіне уақытша шектеулер енгізіледі", - делінген хабарламада.

Ведомство мәліметіне сүйенсек, мынадай көшелер мен тұрғын үй кешендерінің контурында орналасқан тұрғын-жай мен өзге де ғимараттарға ыстық су берілмейді:

Түрксіб ауданы:

• 10-14 маусым аралығында Кассина – Жұмабаев – Бехтерев – Будённый көшелерінің контурында;
• 10-21 маусым аралығында Рихард Сорже – Чехов – Молдағалиев – Ақан Сера көшелерінің контурында;
• 20 маусым мен 10 шілде аралығында Лавренева – Дөнентаева – Соболева – Зимняя көшелерінің контурында;
• Гете – Новосибирская – Майлина – Заславский; Бекмаханова – Свободная – Бекмаханова – Сүйінбай;
• Сүйінбай – Хмельницкий – Поддубный – Дөнентаев; 20 маусым мен 11 шілде аралығында Собинов – Поддубный – Монтажная – Беринг көшелерінің контурында;
• 24-28 маусым аралығында Орджоникидзе – Кожедуба – Гете – Читинская көшелерінің контурында;
• Элеваторская – Щелково – Сүйінбая – Щелково; Таласская – Кассина – Дулатова – Монтина.

Жетісу ауданы:

• 24-28 маусым аралығында Шекспир – Эйхе – Жайсаң – Терешкова көшелерінің контурында.

Медеу ауданы:

• 24-28 маусым аралығында Шахтинская – Демченко – Атбасарская – Аяз би көшелерінің контурында.

"Келтірілген уақытша ыңғайсыздарға түсіністікпен қарауды сұраймыз", - деп қосты "Алматы жылу желілері" ЖШС өкілдері.