Қазақстанда алдағы күндері 43 градусқа дейін ыстық күтіледі

Синоптиктер алдағы күндері, яғни 6-8 маусым аралығында Қазақстанда қандай ауа райы болатынын болжады. Еліміздің оңтүстігінде аптап ыстық болады, деп хабарлайды "Қазгидромет" РМК-ға сілтеме жасаған KAZ.NUR.KZ.

Метеорологтардың мәліметінше, алдағы күнде Қазақстанның басым бөлігінде ауа райы құбылмалы болады. Бірнеше облыста жаңбыр жауады. Атап айтқанда, 7-8 маусымда солтүстікте, 7 маусымда орталықта, 8 маусымда республиканың шығысында қатты жауын-шашын болады.

Сондай-ақ бұл өңірлерде жаңбыр жауып, күн күркіреп, екпінді жел соғады. Ал елдің солтүстігі, батысы, орталығы мен шығысында бұршақ жаууы ықтимал.

Сипонтиктердің болжамынша, еліміздің оңтүстігінде күндіз +35...+43 градусқа дейін, оңтүстік-шығыста +35...+40 градусқа дейін қатты ыстық күтіледі.

Еліміздің батысында 6-7 маусымда күндіз ауа температурасы +30...+38 градус болады, ал 8 маусымнан бастап +25...+30 градусқа дейін төмендейді.

Республиканың солтүстігінде, солтүстік-батысында және орталығында күндіз сынап бағанасы +22...+30 градустан +20...+25 градусқа дейін шамалы төмендейді.