Астанада Момышұлы даңғылындағы учаске маусым соңына дейін ішінара жабылады

Астана қаласы Көлік және жол-көлік инфрақұрылымын дамыту басқармасы Р.Қошқарбаев даңғылынан Қ.Сәтбаев көшесіне дейінгі учаскедегі Б.Момышұлы даңғылындағы жол төсеміне орташа жөндеу жұмыстары жүргізілетінін мәлім етті. Бұл туралы елорда әкімдігінің ресми сайтына сілтеме жасаған KAZ.NUR.KZ хабарлайды.

"Соған байланысты осы жылдың 8 маусымы күні сағат 20:00-ден бастап, 30 маусымға дейін жоғарыда аталған учаске ішінара жабылатын болады. Бұл ретте автокөлік құралдарының қозғалысы тараптардың бірі бойынша бір бағытта жүзеге асырылады", - делінген хабарда.

Жұмыстарды кезең-кезеңмен жүргізу жоспарланған:

1 кезең – Р.Қошқарбаев даңғылынан Тәуелсіздік даңғылына дейін.

2 кезең – Тәуелсіздік даңғылынан Қ.Сәтпаев көшесіне дейін.

"Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды және жол-құрылыс жұмыстарын жүргізуге түсіністікпен қарауды сұрайды", - делінген әкімдік сайтында.

Мәтіннен қате тапсаңыз, бізге жазыңыз