Астанада биік ғимараттағы өрт толығымен өшірілді

Елорда орталығында биік ғимарттағы жалпы ауданы 250 шаршы метрді шарпыған өрт толығымен өшірілді. Бұл туралы KAZ.NUR.KZ ТЖМ-ге сілтеме жасап хабарлайды.

Ведомство мәліметінше, жалынның алдын ала себебі: отты қолдану.

"2-ші қабаттан 27-ші қабатқа дейін тұрғын үй кешенінің сыртқы қаптамасы мен жылытқышы жанған. Өрт кезінде өрт сөндірушілердің күшімен 12 адам эвакуацияланды. оның жетеуі бала", - делінген хабарламада.

Оқиға орнында анықтаушылар жұмыс істеп жатыр. Өртті жоюға 20 бірлік техника мен ТЖМ-нің 91 құтқарушысы жұмылдырылды.

Айта кетейік, 22 маусымда Астанада орталығындағы көпқабатты ғимаратта өрт шықты.

ТЖМ мәліметінше, биік ғимараттың сыртқы қаптамасы жанған. Оқиға орнында өрт сөндірушілер 3 ранг бойынша жұмыс істеп, 70-тен астан адам өртті жоюға атсалысты.

"16 бірлік техника мен 72 адам жұмылдырылған. Ғимарат әкімшілік және жартылай тұрғын үй. Оқиға орнында штаб құрылды. Эвакуациялау жүргізілуде", - делінген хабарламада.

Мәтіннен қате тапсаңыз, бізге жазыңыз