Top.Mail.Ru

Сайт нұсқасы

ru kz

Зектілері

"Әлеуметтік желіде адамдармен сөйлескен": Бишімбаевтың адвокаты алқабилерді заң бұзды деп айыптады

Опубликовано:

Қуандық Бишімбаев ісі бойынша сот отырысы
Қуандық Бишімбаев ісі бойынша сот отырысы. Фото: t.me/Jogargy_sot

Қуандық Бишімбаев пен Бақытжан Байжановтың ісіне қатысты апелляциялық шағым қаралып жатқан сот отырысында адвокат Ерлан Ғазымжанов алқабилер тарапынан заңбұзушылық болғанын жариялады. Бұл туралы KAZ.NUR.KZ хабарлайды.

"Үкімді бұзатын маңызды заңбұзушылықтардың бірі – алқабилердің бірі әлеуметтік желілерде қолданушылармен байланыста болуы, сот процестері туралы сөйлесуі және басқа көздерден ақпарат жинауы. Бұл төртінші нөмірдегі алқабилер арасындағы адамға қатысты.

Сот тергеуі аяқталғаннан кейін мен Борейконың парақшасындағы жарияланымға (журналист Вадим Борейко – ред. ескерт.) қарадым. Сол кезде мынадай деректерді анықтадым: 27 наурызда аталған басылымның астында №4 алқаби оның пікірін қалдырды. "Мен алқаби ретінде сайландым, сайлау әділ әрі бейтарап өтті" деп жазған, - деді Ғазымжанов.

Бұл пікірден кейін бірнеше қолданушы оған қысым көрсете бастады, дейді адвокат.

"Оны Бишімбаевтан ақша алды деп айыптап, Бишімбаевтың қасында боласың деп қорқытып, алқабилерге дұға ететінін немесе оларды қарғайтынын жазғандар болған", - деді адвокат.

Бұдан кейін құқық қорғаушы алқабидің әлеуметтік желідегі басқа да пікірлерін оқып берді.

"Біз, алқабилер – қарапайым халық. Көбі қарсы болды. Арамызда кішкентай баласы бар қыз болды, ол шынымен де бостандыққа шығуын өтінді, бірақ сот қарсы болды. Мен де сіз сияқты барлығы әділ болады деп ойламадым. Бізді тек жай таңдады деп ойладым, белігленіп, кетеміз деп ойладым. Бірақ ол жерде әртүрлі дәрежедегі және әртүрлі жастағы адамдар болды. Бізге сот та, Бишімбаев та қысым көрсеткен жоқ, деген пікірде Тек Бишімбаевтың анасы бізге көз алмай қарады. Ол желідегі парақшасынд Айтбекке жазылған", - деді адвокат.

Сондай-ақ, Ғазымжанов алқабилердің соттан тыс адамдармен байланысып, ақпарат жинауға құқығы жоқ екенін айтты.

Еске салайық, 10 маусымда Астана сотына Бишімбаев пен Байжановтың ісі бойынша апелляциялық шағым түскен болатын.

"Хабардар бол!" - NUR.KZ ұсынған жаңалықтар топтамасы

Редакция ең өзекті мақалаларды бір жерге топтастырып, назарға ұсынады. Әлемде және елде болып жатқан аптаның ең маңызды оқиғаларынан әрдайым хабардар болып отырыңыз.

* міндетті түрде толтырылуы керек жол

Мақаланың түпнұсқасы: https://kaz.nur.kz/society/2124255-aleumettik-zhelide-adamdarmen-soilesken-bishimbaevtyng-advokaty-alqabilerdi-zang-buzdy-dep-aiyptady/