Алматы тауларында жоғалған жеті жасөспірім құтқарылды

ТЖМ құтқарушылары Алматы тауларында жеті жасөспірімді құтқарды. Бұл туралы ведомствоның Telegram-дағы ресми арнасына сілтеме жасаған KAZ.NUR.KZ.

"Құтқару операциясы Құмбел шыңында болды. 13-17 жас аралығындағы жасөспірімдер демалуға мүлдем дайындалмай, шыңды бағындыруды ұйғарды. Олар өз бетінше қайтып келе алмады, көмекке РЖҚЖ құтқарушылар жасағы жіберілді.

Жасөспірімдер тексерілді, медициналық көмекке мұқтаж емес. Қазір оларды ата-аналарына беру үшін Медеуге дейін түсіреді", - делінген хабарда.

Құтқарушылар төтенше жағдай туындаған жағдайда 112 нөміріне хабарласу керегін еске салды.

Бұған дейін ТЖМ іздестіру операциясы Медеу ауданының Құмбел шыңына жақын жерде жүргізіліп жатқаны хабарланған еді.

Мәтіннен қате тапсаңыз, бізге жазыңыз