Алматы облысы тауларында жоғалып кеткен тағы бес адам табылды

Алматы облысы тауларындағы сарқырама маңында жоғалып кеткен 5 адам табылды. Бұл туралы KAZ.NUR.KZ Төтенше жағдайлар министрлігіне сілтеме жасап хабарлайды.

1 шілге қараған түні ТЖМ құтқарушылары Алматы облысының тауларында бес адамды іздестіріп жатқанын хабарлаған еді.

Іздестіру операциясы Қарасай ауданының "Девичьи слёзы" сарқырамасының маңында жүргізілді.

ТЖМ-нің таңғы сағат 7:50-дегі мәлеметі бойынша Алматы облысының тауларында туристер табылды.

"Құтқару қызметінің құтқарушылары туристер тобын тапты.

Қазіргі таңда топты түсіру жұмыстары жүргізілуде", - деп хабарлады ведомство өкілдері.

Еске салсақ, бұған дейін Алматы тауларында жоғалған жеті жасөспірім құтқарылған болатын.