"Балаларды тепкен": Алматыда лифттегі жағдай видеоға түсіп қалды

Балаларға шабуыл жасаған Алматы тұрғыны ұсталды. Ер адамның әрекеті лифттегі бейнекамераға түсіп қалған. Полицейлер оқиғаға қатысты түсініктеме берді, деп хабарлайды KAZ.NUR.KZ тілшісі.

Кадрлар Instagram желісіндегі nemolchikz_official паблигінде жарияланған. Ер адам лифт ішіндегі балаларды қайта-қайта тепкілеген.

Автор оқиғаның Алматыда 23 шілдеде түстен кейін болғанын атап өтті.

"Видеода 10 жастағы балаларды теуіп, ұрып жатқанын ешкім көрмесе екен деп жан-жағына қараған", - деп жазды автор.

Алматы полиция департаментінің баспасөз қызметі KAZ.NUR.KZ тілшісіне бұл факт бойынша тергеу жүріп жатқанын хабарлады.

"Ер адам анықталып, полицияға жеткізілді. Оның әрекетіне құқықтық баға беріліп жатыр. Басқа мән-жайлар анықталып жатыр", - деп хабарлады ведомство өкілдері.

Мәтіннен қате тапсаңыз, бізге жазыңыз