Астанада көшпенділер ойындары кезінде мектеп оқушылары қалай білім алады
Жарияланған күні:
Астанада өтетін Дүниежүзілік көшпенділер ойындары кезінде мектеп оқушылары әдеттегідей мектепке барып оқиды. Бұл туралы қалалық білім басқармасына сілтеме жасаған KAZ.NUR.KZ хабарлайды.
"Білім алатындар (оқушылар, студенттер) үшін оқу жылы әдеттегідей – 1 қыркүйекте басталады. Дүниежүзілік көшпенділер ойындарына байланысты жазғы каникул ұзартылмайды", - делінген ведомствоның баспасөз қызметі таратқан хабарламада.
Айта кетсек, бұған дейін Астанада осы спорттық іс-шараға байланысты оқу жылының басталуын 1 қыркүйектен кешіктіру мүмкіндігі қарастырылып жатқаны хабарланған болатын.
Туризм және спорт министрлігі бұл мәселені шешудің екі нұсқасын – кейбір оқу орындарын онлайн режимге көшіру немесе елордадағы оқушылар мен студенттердің демалысын ұзарту – ұсынғанын хабарлады.
Кейін Ғылым және жоғары білім министрі Саясат Нұрбек Дүниежүзілік көшпенділер ойындары кезінде Астанада студенттер штаттық режимде білім алатынын айтты.
Естеріңізге сала кетейік, Дүниежүзілік көшпенділер ойындары Астанада қыркүйектің 8-і мен 13-і аралығында өтеді.
Мақаланың түпнұсқасы: https://kaz.nur.kz/society/2142609-astanada-koshpendiler-oiyndary-kezinde-mektep-oqushylary-qalai-bilim-alady/