Тамыз айында еліміздің кей өңірлерінде құрғақшылық болуы мүмкін

Синоптиктер елімізде тамыз айында құрғақшылық болуы мүмкін өңірлер тізімін жариялады. Бұл туралы KAZ.NUR.KZ "Қазгидромет" РМК-ға сілтеме жасап хабарлайды.

Мамандардың пікірінше, жаздың соңғы айында атмосфера елдің солтүстігінің, солтүстік-батысының және шығысының жеке аудандарында бірқалыпты ылғалды болады деп күтіледі. Ал құрғақшылық вегетациялық кезеңде жауын-шашын тапшылығы байқалған Қостанай, Алматы, Жамбыл және Қызылорда облыстарының жеке аудандарында болуы мүмкін.

Тамыз айында:

• Солтүстік Қазақстан, Қостанай, Ақмола және Павлодар облыстарының басым бөлігінде;
• Ақтөбе облысының Әйтеке би, Қарғалы, Мұғалжар және Хромтау аудандарында;
• Шығыс Қазақстан облысының Катонқарағай және Күршім аудандарында атмосфера бірқалыпты ылғалды болуы ықтимал.

Ал бірқалыпты құрғақшылық:

• Алматы облысының Балқаш ауданының оңтүстік бөлігінде және Жамбыл ауданының солтүстік бөлігінде;
• Жамбыл облысының Мойынқұм және Талас аудандарында;
• Қызылорда облысының Қармақшы ауданында күтіледі.

Мәтіннен қате тапсаңыз, бізге жазыңыз