"Балкон арқылы кірген": Астанада ер адам 15 жастағы қызды өрттен аман алып қалды (видео)

Астанада көпқабатты тұрғын үйде өрт шықты. Қызыл жалынның ортасында қалған 15 жастағы қызды ер адам өрттен аман алып қалған. Бұл туралы KAZ.NUR.KZ хабарлайды.

Оқиғаның видеосы Instagram желісіндегі @zhaloby__astana парақшасында жарияланды. Онда өрттің елордадағы Сығанақ көшесіндегі тұрғын үй кешенінде болғаны айтылған.

"Полиция мен ТЖ қызметкерлері балкон арқылы кірген жігітті іздестіріп жатыр", - деді автор.

Qazaqstan телеарнасының ақпаратынша, ер адам қорғаныш құралдарынсыз балкон арқылы өртенген пәтердің терезесінен кіріп, қыз баланы құтқарған.

"МӨС-3 аға инженері азаматтық қорғау капитаны Серік Рахымжанов пен 1984 жылғы азамат 2009 жылы туған қызды құтқарды. Ер адам көрші пәтерден балкон арқылы кіріп, қызды газ-түтіннен қорғау қызметіне тапсырды", - делінген ТЖД ақпаратында.

"Құтқарушылардың жедел әрекеттерінің арқасында өрт толығымен сөндірілді. Зардап шеккендер жоқ", - делінген Telegram-дағы "112 KZ" арнасында.