Шымкенттің 190 көшесіне "ақылды" бағдаршам жүйесі енгізіліп жатыр (видео)

Шымкенттің 190 көшесінде көлік ағынын "ақылды" бағдаршам автономды түрде талдап, реттейтін болады. Бұл туралы KAZ.NUR.KZ 24KZ-ке сілтеме жасап хабарлайды.

Жасыл шамның қай жерде және қанша уақыт жану керектігін құрылғылар өздері шешеді. Бұл кептелісті азайтуы тиіс, әсіресе қарбалас уақытта, қала кептелісте қатып қалған кезде.

Бағдаршамға орнатылған датчиктер көліктердің келе жатқанын болжай алады. "Ақылды" бағдаршамдардың әдеттегі түрлерінен еш айырмашылығы жоқ. Болашақта бағдаршамдарды жедел қызмет көліктерімен біріктіру жоспарланып отыр, бұл қажет болған жағдайда "жасыл" дәлізді жылдам құруға және құнды уақытты үнемдеуге мүмкіндік береді.

Көлік басқармасының өкілі Өмір Қалыбаевтың айтуынша, техникалық жаңашылдықа бюджеттен 1,4 млрд теңге бөлінген.

"Бұл жүйе кешенді түрде жұмыс істейді. Ол осы қиылыстан келетін қозғалыс келесі бағдаршамда тоқтап қалмауы үшін деректерді басқа жол қиылыстарына жібереді. Бағдаршам деректерді адамның қатысуынсыз дербес анықтап, әрбір қиылыстың жұмысын реттеп отырады", - дейді Шымкент қалалық жолаушылар көлігі және автомобиль жолдары басқармасы басшысының орынбасары Өмір Қалыбаев.

Мәтіннен қате тапсаңыз, бізге жазыңыз