Қызылорда облысы бойынша ЭТД басшысының бұрынғы орынбасары сотталды (видео)

Қызылорда облысы бойынша экономикалық тергеу департаменті басшысының бұрынғы орынбасары сотталды. Бұл туралы Сыбайлас жемқорлыққа қарсы іс-қимыл агенттігіне сілтеме жасаған KAZ.NUR.KZ хабарлайды.

Ведомствоның Telegram-дағы ресми арнасында жарияланған ақпаратқа сүйенсек, Алматы қалалық сотының үкімімен Қызылорда облысы бойынша экономикалық тергеу департаменті басшысының бұрынғы орынбасары Қасымбаев пен кәсіпкер Сәкенов сотталды.

"Олар алаяқтыққа оқталғаны және Алматы қаласы кәсіпорындарының бірі директорының қылмыстық ісін тоқтату үшін құқық қорғау органдарының қызметкерлеріне 10 млн теңге сомасында пара беруге итермелегені үшін кінәлі деп танылды.

Сот үкімімен Қасымбаев пен Сәкенов әрқайсысы мемлекеттік органдар мен квазимемлекеттік сектор субъектілерінде қызмет атқару құқығынан өмір бойына айыра отырып, 7 жылға бас бостандығынан айырылды", - делінген Антикор хабарламасында.

Сот үкімі заңды күшіне енді.

Мәтіннен қате тапсаңыз, бізге жазыңыз