Еңбек және халықты әлеуметтік қорғау вице-министрі тағайындалды

Асқар Сақтағанұлы Биахметов еңбек және халықты әлеуметтік қорғау вице-министрі қызметіне тағайындалды. Бұл туралы KAZ.NUR.KZ үкіметке сілтеме жасап хабарлайды.

"Үкіметінің қаулысымен Асқар Сақтағанұлы Биахметов еңбек және халықты әлеуметтік қорғау вице-министрі қызметіне тағайындалды", - делінген хабарламада.

Асқар Биахметов 1975 жылы Ақтөбе облысында дүниеге келген.

Қазақ мемлекеттік басқару академиясын "Қаржы және несие" мамандығы бойынша, ҚАЗМЗА – "Құқықтану" мамандығы бойынша, президент жанындағы МБА ҰМСМ магистратурасын "Саясаттану" мамандығы бойынша және Дьюк университетін бітірген.

1993-2004 жылдары облыстық қаржы басқармасында, "Профилакторий" ӨК, Салық комитетінде, қалалық әкімдікте, сондай-ақ Ақтөбе облысының қазынашылық және қаржы басқармаларында басшылық лауазымдарда жұмыс істеді. 

2004-2009 жылдары — Ақмола облысы бойынша Қазынашылық департаментінің бастығы.

2009-2014 жылдары — Конституциялық Кеңесінің бөлім меңгерушісі.

2014-2015 жылдары — Ұлттық экономика министрлігінің Мемлекеттік басқару жүйесін дамыту департаментінің директоры.

2015-2018 жылдары — Ақтөбе облысы әкімінің орынбасары.

2019-2020 жылдары — премьер-министрдің бірінші орынбасарының кеңесшісі.

2020-2023 жылдары — премьер-министрі Кеңсесі басшысының орынбасары.

2023 жылғы ақпаннан бастап қазіргі уақытқа дейін — үкімет аппараты басшысының орынбасары.