Қазақстанның оңтүстігінде бірнеше ауданды су басу қаупі бар

Жетісу облысының таулы аймақтарында 29-30 тамыз, бейсенбі және жұма күндері өзендердегі су деңгейі көтеріліп, су басуы мүмкін. Бұл туралы KAZ.NUR.KZ "Қазгидромет" РМК-ға сілтеме жасап хабарлайды.

Синоптиктердің болжамынша, алдағы екі күнде бұл аймақта қатты жаңбыр жауады.

Осыған байланысты Текелі қаласында, сондай-ақ Ескелді, Кербұлақ, Көксу, Сарқан, Алакөл және Панфилов аудандарындағы өзендерде су деңгейі көтеріліп, су басуы мүмкін.

"Су қауіпті деңгейден асып кетсе, өзендердің жайылмаларында орналасқан елді мекендерді, шаруа қожалықтарын мен жергілікті маңызы бар жолдарды су басу қаупі сақталады", - деп ескертті синоптиктер.

Айта кетейік, дәл осы күндері Алматы қаласы мен Алматы облысында да ауа райына байланысты ескерту жарияланған болатын. Құтқарушылар тұрғындарға үндеу жасап, азаматтарды тауға шығудан бас тартуды сұрайды.