Алматыға Илон Масктың анасы келеді

Америкалық кәсіпкер, Tesla негізін қалаушы Илон Макстың анасы Мэй Маск биыл қазанда алғаш рет Алматы қаласына ұшып келеді. Бұл туралы KAZ.NUR.KZ хабарлайды.

Мэй Маск 17 қазанда Алматыда өтетін BeWoman Ортаазиялық әйелдер форумына қатысады. Бұл туралы іс-шараның ұйымдастырушылары хабарлады.

Қонақ алматылықтармен денсаулық, қартаю, гендерік теңдік, балаларды жалғыз асырау мен қиындықты еңсеріп, өзіңе деген сенімділікті арттыру тақырыбында әңгіме өрбітеді.

Айта кету керек, Мэй Маск екі ғылым магистрі дәрежесі бар диетология ғылымдарының докторы. Ол 45 жылдан астам уақыт бойы өзінің тамақтану бизнесін басқарады және кеңес береді.

Маск Оңтүстік Африканың кеңесші диетологтар қауымдастығының бірінші өкілі, Канаданың кеңесші диетологтар президенті және АҚШ-тың тамақтану және диетология академиясының диетология кәсіпкерлерінің төрағасы болды. Сондай-ақ АҚШ-тағы "диетология саласындағы көрнекті кәсіпкер" марапатына ие болды.

Мэй Маск 15 жасынан батсап модель болып жұмыс істейді. Ол 60 жасында Таймс-сквердегі төрт жарнамалық билбордта бой көрсетті, бұл нағыз рекорд. Ол 69 жасында CoverGirl-дің ең үлкен моделі атанды. Ал 73 жасында Dior Beauty амбассадоры болды.

Сонымен қатар Мэй АҚШ-тағы мектептерге, отбасыларға және қауымдастықтарға өз тағамдарын өсіруге көмектесетін Big Green коммерциялық емес ұйымының жұмысына белсенді қатысады.

Мәтіннен қате тапсаңыз,бізге жазыңыз