Астана өз "Диснейлендін" салуды жоспарлап отыр (фото)

Астанада "Жібек жолы" деген атаумен Шанхай қаласындағыдай Диснейленд салынады. Бұл туралы KAZ.NUR.KZ Instagram-дағы "Астана архитектурасы" парақшасына сілтеме жасап хабарлайды.

Ірі жобаға байланысты елордада келіссөз өткен. Келіссөз Шанхайдағы Диснейлендке ұқсас ойын-сауық саябағын салу жөніндегі жобаға арналды.

Астана қаласы әкімдігінің Astana Invest кеңсесінде басқарма төрағасының орынбасары Орынбек Қуаныш инвесторлармен кездесу өткізген.

"Жібек жолы" деп аталатын бұл ойын-сауық кешені Қазақстан мен Қытайдың мәдени ерекшеліктерін үйлестіреді. Инвесторлар жобаның ең жоғары сапасы мен бірегейлігін қамтамасыз ету үшін Шанхайдағы Диснейлендті жасаған дизайнерлерді пайдалануға ниетті екенін мәлімдеді. Бұл саябақтың негізгі идеясы – ойын формалары арқылы балалар тек көңіл көтеріп қана қоймай, сонымен қатар екі елдің мәдениетінің байлығы мен алуан түрлілігін үйреніп, түсіне алатын кеңістік құру", - делінген хабарламада.

Кездесу барысында тараптар жобаны жүзеге асыруға қатысты бірқатар негізгі мәселелерді талқылаған.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз