Шымкентте ЖОО ректоры екі айға қамауға алынды

Мұхтар Әуезов атындағы Оңтүстік Қазақстан университетінің ректоры Қайрат Нұрманбетов екі айға қамауға алынды. Бұл туралы KAZ.NUR.KZ Шымкент қалалық сотына сілтеме жасап хабарлайды.

"Шымкент қаласының мамандандырылған тергеу соты күдікті Нұрманбетов Қайратқа қатысты екі ай мерзімге, яғни 2024 жылғы 18 қыркүйектен 2024 жылғы 18 қарашасына дейін қамауға алу түріндегі бұлтартпау шарасын кепіл сомасын анықтамай, санкциялады.

Қаулы заңды күшіне енді", - деп хабарлады Шымкент сотының баспасөз қызметі.

Айта кетейік, М. Әуезов атындағы Оңтүстік Қазақстан университетінің ректоры 28,5 млн теңге пара алды деген күдікпен ұсталды.

Биыл мамыр айында Антикор Оспанов атындағы Батыс Қазақстан медицина университетінің ректоры ұсталғаны көрсетілген қадрларды жариялағн болатын.

Мәтіннен қате тапсаңыз, бізге жазыңыз