Шымкентте жазда жауын-шашынның салдарынан бүлінген көпір жаңартылды (видео)

Шымкенттегі Жаңаталап шағынауданында жаңа көпір ашылды. Бұл туралы KAZ.NUR.KZ Otyrar.kz басылымына сілтеме жасап хабарлайды.

Биыл жазда жауын-шашынның көп болуына байланысты Бадам өзені суы күрт көтеріліп, 2-тіректің түбін шайған. Соның нәтижесінде тіректің іргетасының жер деңгейінен төмен бөлігі (свая) ашылып, көпір жарамсыз күйге түскен еді.

Тіректердің астына 40 машина ірі бетон құрылыс қалдықтары тасталып, 15 техника жұмылдырылуына қарамастан Бадам өзенінің су ағыны қатты болуына байланысты көпір тіректері қисайған.

70-жылдары салынған көпірдің конструктивтік бөліктеріне бұған дейін ешқандай жөндеу жұмыстары жүргізілмепті. Бұл көпір Жаңаталап тұрғын алабын орталықпен байланыстырып тұрған негізгі жолдың бойында орналасқан.

Мемлекеттік сараптаманың қорытындысына сәйкес құрылыс мерзімі – 9 ай. Алайда нысанның маңыздылығын ескере отырып, 4 айда құрылыс жұмыстары толық жүргізіліп, тұрғындарға пайдалануға берілді.

Еске салайық, маусымда Шымкентте Жаңаталап шағынауданын қаламен байланыстыратын көпір жартылай опырылған еді.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз