Түркістанда ер адам 15 жастағы қызды зорлады деген ақпарат тарады: полиция пікір білдірді

Әлеуметтік желіде Түркістанда ер адам 15 жастағы қызды зорлағаны туралы ақпарат пайда болды. Облыстық полиция департаменті өкілдері қылмыстық іс қозғалғанын мәлімдеді, деп хабарлайды KAZ.NUR.KZ.

Қоғам белсендісі Құрал Сейітханұлының жазуынша, 33 жастағы ер адам 15 жастағы қызды қорқытып, көпқабатты тұрғын үйлердің біріне апарып зорлаған.

Түркістан облысы полиция департаменті өкілдерінің хабарлауынша, жергілікті тұрғынның кәмелетке толмаған қызға қатысты құқыққа қарсы іс-әрекеті бойынша қылмыстық іс қозғалды.

"Күдікті ұсталып, уақытша ұстау изоляторына қамауға алынды. Қазіргі уақытта болған оқиғаның барлық мән-жайларын анықтауға бағытталған жедел-тергеу шаралары жүргізілуде.

Сонымен қатар кәмелетке толмаған жасөспірімнің жалаңаш фотосуреттері туралы таралған ақпарат шындыққа жанаспайды. Полиция азаматтарды тек ресми дереккөздерге сенуге шақырады. ҚР ҚПК-нің 201-бабына сәйкес тергеу мүддесіндегі өзге де ақпараттар жариялауға жатпайды", - делінген хабарламада.

Еске салайық, Павлодарда кәмелетке толмаған қыз миы шайқалғанша соққыға жығылғанын жазған едік.

Мәтіннен қате тапсаңыз, бізге жазыңыз