Мемлекеттік қызмет істері агенттігі қазақстандықтарға ескерту жасады

Қазақстандықтарға мемлекеттік қызмет істері агенттігі аппарат басшысы Әлібек Ахмедьяровтың атынан алаяқтар хабарламалар жіберіп жатқанын ескертті. Бұл туралы ведомствоға сілтеме жасаған KAZ.NUR.KZ хабарлайды.

Қазақстан Республикасы Мемлекеттік қызмет істері агенттігінің ресми сайтында жарияланған ақпаратқа сүйенсек, алаяқтар Telegram және WhatsApp мессенджерлерінде Агенттіктің аппарат басшысы Әлібек Ахмедьяровтың атынан жалған аккаунттар ашу арқылы хабарламалар таратып жатыр.

"Белгісіз адамдар қандай да бір деректерге қол жеткізу арқылы алаяқтық әрекеттер жасауға тырысады. Жіберілген жалған ақпаратқа сенбеуіңізді және жауап бермеуіңізді, сенімсіз сілтемелерге өтпеуіңізді сұраймыз", - делінген хабарламада.

Айта кетейік, бұған дейін қазақстандық танымал тележүргізуші Динара Сәтжан алаяқтарға алданып қалғанын жазған едік.

Осы орайда Динара Сәтжан көпшілікті барынша сақ жүруге шақырды.

Мәтіннен қате тапсаңыз, бізге жазыңыз