Шығын көлемі 2 млрд теңгеден асады: ҰҚК заңсыз тасымалдаудың жолын кесті
Жарияланған күні:
Қазақстанда жабайы жануарлардың дериваттарын заңсыз тасымалдаудың жолы кесілді. Бұл қылмыстық әрекеттен мемлекетке келтірілген шығын 2 млрд теңгеден асады, деп хабарлайды ҰҚК ресми сайты.
17 қазанында "Хоргос" халықаралық шекаралық ынтымақтастық орталығында ҰҚК ШҚ Жетісу облысы бойынша департаменті ҰҚК және полицияның өңірлік бөлімшелерімен бірлесіп елден 991 дана киік мүйізін әкету әрекетінің алдын алды.
Облыстық орман шаруашылығы және жануарлар дүниесі инспекциясының мәліметінше, қылмыстық әрекеттен мемлекетке келтірілген шығын 2 млрд теңгеден асады.
Материалдар тиісті шаралар қабылдануы үшін полиция органдарына берілді.
Мақаланың түпнұсқасы: https://kaz.nur.kz/society/2178927-shygyn-kolemi-2-mlrd-tenggeden-asady-uqk-zangsyz-tasymaldaudyng-zholyn-kesti/
