Ақтаудың бірнеше шағын ауданында жылу желілерінде ақау шықты

Ақтауда бірнеше ауданда жылу желілерінен шыққан ақау жөнделіп жатыр. Бұл туралы Маңғыстау облысы қоғамдық коммуникациялар орталығына сілтеме жасаған KAZ.NUR.KZ хабарлайды.

"Ақтаудағы жылу желілерінде 12 ақауды жөндеу жұмыстары жүргізіліп жатыр.

Ауа райының қолайсыздығына қарамастан мамандар күні-түні жөндеу жұмыстарын жүргізгендіктен, ақау саны азайды.

Жөндеу жұмыстары 3-шағын аудан №45 үй, 8-шағын аудан №14 үй, 15-шағын аудан №18, 22-шағын аудан №10б үй, 11-шағын аудан №7 үйдің маңында жүргізіліп жатыр", - делінген облыстық коммуникациялар орталығының Telegram-дағы арнасында жарияланған хабарламада.

Сондай-ақ хабарламада қала әкімі жасалып жатқан жұмыстарды тексеріп, тұрғын үйге қызмет көрсетуші мекеме өкілдеріне реттеу жұмыстарын қадағалауды тапсырғаны айтылған.

"Жылу тұрғын үйлерге барғанымен, реттеу жұмыстары бар. Жылу радиоторларында ауа болуы мүмкін не болмаса ысырмалар ашылмаған шығар. Реттеу жұмыстарын қадағалаңыздар", - деді Ақтау қаласының әкімі Әбілқайыр Байпақов.

Еске салсақ, бұған дейін қала басшысы Әбілқайыр Байпақов жылу желілеріндегі ақау күрделі жөндеу жүргізілген құбырлардан емес, тарату желілерінен шығып жатқанын түсіндірген еді.

Мәтіннен қате тапсаңыз, бізге жазыңыз