Ақтөбеде жаңбыр жауып тұрған кезде асфальт төселген

Опубликовано:28 қазан 2024, 12:31

Жөнделіп жатқан жол. Видеодан кадр: diapazon.kz

Ақтөбеде жергілікті тұрғындар жаңбыр жауған кезде асфальт төселіп жатқанын байқаған. Жұмыс ауа райының қолайсыздығына қарамастан жалғасқан. Бұл жайтқа қатысты жолды салып жатқан компания өкілдері пікір білдірді, деп хабарлайды "Диапазон" басылымы.

КЛЮЧЕВЫЕ МОМЕНТЫ

Ақтөбеде Оспанов көшесінде жаңбыр кезінде асфальт төселіп, жергілікті тұрғындардың алаңдаушылығын тудырған.
Жолды салып жатқан "Атырауинжстрой-АИС" компаниясының өкілі Саясат Бекжанұлы жаңбыр басталғаннан кейін жұмысты тоқтағанын айтты.
Компания өкілі жолға 5 жыл кепілдік берілетінін және сапалы жұмыс жасауға мүдделі екенін мәлімдеді.

Басылым мәліметінше, Оспанов көшесінің бойында екінші қабат асфальт төселіп жатыр. Аздаған жаңбыр жауса да, жол жөндеу жұмыстары жалғасқан. Жергілікті тұрғындар мұндай жағдайда жөндеу жұмыстарын жүргізу мүмкіндігі туралы сұрақтарын қоя бастады.

"Оспанов бойындағы жолды жауып тастады, көшеде жаңбыр жауғанда да асфальт төселіп жатыр. Жер дымқыл, бұл салынып жатқан жолға зиян тигізбей ме", - деп сұрады жергілікті тұрғын.

Жолды "Атырауинжстрой-АИС" компаниясы салып жатыр. Ұйым өкілдерінің айтуынша, жолға бес жыл кепілдік беріледі.

"Оспанов көшесінің бойына асфальт төсеу жұмыстарын бастадық. Күні бойы 700 тоннаға жуық қиыршық тас, мастикалық асфальт төсеу жұмыстары жүргізілді.

Бірақ жаңбыр жауған соң жұмысты тоқтаттық. Сол кезде жеткен жердің асфальтын ғана бітіруге тура келді. Біз жолға 5 жыл кепілдік береміз, сондықтан бәрінің сапалы жүргізілуіне өзіміз де мүдделіміз", - дейді "Атырауинжстрой-АИС" серіктестігінің өкілі Саясат Бекжанұлы.

Мәтіннен қате тапсаңыз, бізге жазыңыз