Түркістан облысында танысын оқуға түсіремін деп сан соқтырған күдіктінің ісі сотқа жетті

Түркістан облысында таныстарын оқуға түсіріп беремін деп алдаған күдіктінің ісі сотқа жетті. Бұл туралы Polisia.kz хабарлайды.

Басылым мәліметіне сүйенсек, Кентау қаласында криминалдық полиция қызметкерлері жедел-іздестіру жұмыстары кезінде алаяқтық жасады деген күдікпен жергілікті тұрғынды қолға түсірген.

Ол танысын оқуға түсіріп беремін деп сеніміне кіріп, алаяқтық жолмен 600 мың теңгесін алған. Алайда қанша уақыт өтсе де, уәдесін орындамай, алған ақшаны жеке бас пайдасына жаратып жіберген.

Тәртіп сақшылары күдікке ілінген әйелдің бұдан басқа дәл осындай алаяқтыққа қатысты екі жайтын анықтады. Одан бөлек жәбірленушілерге 3 млн теңгеден астам шығын келтірілгені белгілі болды.

Қазіргі таңда күдікті қамауда отыр, іс сотқа өтті.

Мәтіннен қате тапсаңыз, бізге жазыңыз