Павлодарда мектеп оқушылары қашықтан оқытуға көшірілді

Павлодарда қатты жел мен қолайсыз ауа райына байланысты бірінші ауысымдағы сабақтар қашықтан оқыту форматына көшірілді. Бұл туралы қалалық білім басқармасына сілтеме жасаған KAZ.NUR.KZ хабарлайды.

Павлодар қалалық білім басқармасының Instagram-дағы ресми парақшасында пайда болған ақпаратына сәйкес, 2024 жылдың 7 қарашасында қала мектептерінде мектепке дейінгі білім беру ұйымдарының бірінші ауысымындағы және 1-11 сынып оқушыларының сабақтары қашықтан оқыту форматына көшірілді.

Оған қолайсыз ауа райы себеп болды. Қалада ауа температурасы -1 градус және желдің жылдамдығы 14-25 м/с.

Айта кетейік, 5 қарашада Ақтауда қатты жел тұрып, ағаштар мен аялдамалар құлап, бірнеше адам жарақат алып, аруханаға жеткізілгенін жазған едік.

Сондай-ақ 6 қарашада Маңғыстау облысындағы мектептер мен колледждерде сабақ қашықтан оқытылды. Бұған ауа райының қолайсыздығы себеп болды.

Мәтіннен қате тапсаңыз, бізге жазыңыз