Түркістан облысында 8 адамды алдап соққан тұрғынның ісі сотқа өтті

Түркістан облысы Жетісай ауданында полицейлер жедел-іздестіру іс-шаралары барысында алаяқтық қылмысына қатысы бар деген күдікпен жергілікті тұрғынды ұстады. Күдікке ілінген әйел жәбірленушіге кәсіп ашуға арналған бизнес жоспар жасап, мемлекеттен қайтарымсыз несие алып беремін деп сендірген. Бұл туралы Otyrar.kz хабарлайды.

Басылым мәліметіне сүйенсек, танысының сөзіне сенген тұрғын оған 1,5 миллион теңге берген. Алайда ақшаны алған әйел түрлі сылтаулар айтып, тіпті бір жылға жуық уақыт алдап келген.

Тәртіп сақшылары күдікке ілінген әйелдің осыған ұқсас тағы жеті фактіге қатысы барын анықтады. Жәбірленушілерге келтірілген шығын көлемі 6 млн теңгені құрады.

Ол алған қаражатты бас пайдасына жаратып жіберген. Қазіргі таңда оның ісі сотқа өтті.

Мәтіннен қате тапсаңыз, бізге жазыңыз