Абай облысында ауа райына байланысты тасжол жабылды (видео)

Алматы-Өскемен тасжолында қарлы боран мен қатты жел салдарынан жүк көліктері мен жолаушылар көліктері үшін жол жабылды. Бұл туралы Абай облысының полиция департаменті хабарлайды.

Күшті жел мен қалың қарға байланысты "Алматы – Өскемен" автожолының Таскескен ауылынан Қалбатау ауылына дейінгі (683-967 км) учаскесі жүк және жолаушылар көліктері үшін уақытша жабылды.

Шектеу 10 қараша 16:30-дан бастап күшіне енеді және ауа райы жағдайлары жақсарғанға дейін жалғасады.

Абай облысының полиция департаменті жүргізушілерді сақ болуға және балама бағыттарды жоспарлауға шақырады.

Кейінірек, "ҚазАвтоЖол" өкілдері Telegram-дағы арнасында жолды 2024 жылғы 11 қараша сағат 06:00-де ашу жоспарланғанын хабарлады.

Абай облысында ауа райының бұзылуына байланысты Таскескен ауылының шекарасынан Қалбатау ауылына дейін жүк және жолаушы көліктердің қозғалысына шектеу қойылатыны хабарланды.

Мәтіннен қате тапсаңыз, бізге жазыңыз