Ақтөбені қар басып қалды (видео)
Опубликовано:
Ақтөбені қар басып қалды. Қаладағы жолдарды күтіп ұстаумен айналысатын 17 мердігер ұйымның жұмыстары күшейтілген режимге ауыстырылды. Жұмыс бригадалары екі ауысыммен күні-түні жұмыс істеп жатыр, деп хабарлайды қалалық әкімдікке сілтеме жасаған KAZ.NUR.KZ.
Қала маңындағы елді мекендердің жолдары да тазартылып жатыр.
Мердігер мекемелер бригадалары алдымен магистральді жолдарды, қоғамдық көлік бағыттарын қардан тазартады. Қала 24 учаскеге бөлінген, олардың әрқайсысын қыста күтіп ұстауға жауапты мердігер ұйым бекітілген. Қыста көшелерді тазалауға 350 бірлік техника шығады.
Қаланы қардан тазарту үшін күндізгі ауысымда 30 бригада (40 тиегіш, 150 жүк көлігі) және түнде 20 бригада (20 тиегіш, 60 жүк көлігі) жұмылдырылады.
Мердігерлер қазірдің өзінде 1250 тонна тұз, 1830 тонна құм-тұз қоспасы және 2000 тоннадан астам құм жинаған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2187242-aqtobeni-qar-basyp-qaldy-video/