Қазақстандықтар желтоқсанда қанша күн демалады

Биыл 16 желтоқсан – Тәуелсіздік күні дүйсенбіге сәйкес келеді. Осыған байланысты қазақстандықтар желтоқсан айында жалпы 10 күн демалады. Бұл туралы KAZ.NUR.KZ egov.kz порталына сілтеме жасап хабарлайды.

Желтоқсанда аптасына бес күндік жұмыс істейтіндер 14, 15, 16 желтоқсан күндері, яғни сенбі, жексенбі және дүйсенбі күндері демалады.

Ал аптасына алты күн жұмыс істейтін қазақстандықтар үшін сенбі, 14 желтоқсан жұмыс күні. Ал жексенбі, 15 желтоқсан мен дүйсенбі 16 желтоқсанда демалыс болып саналады.

Сонымен бірге 30 және 31 желтоқсан жұмыс күндері болып есептеледі.

Желтоқсан айында кәсіби мерекелер де жетерлік:

• 5 желтоқсан – Адвокатура күні;
• 6 желтоқсан – Прокурор күні;
• желтоқсанның үшінші жексенбісі (15 желтоқсан) – Энергетиктер күні;
• 20 желтоқсан – Қазақстанның Мемлекеттік фельдъегерлік қызметі күні;
• 22 желтоқсан – Мұрағатшылар күні.

Автор: Динар Мұрат

Мәтіннен қате тапсаңыз, бізге жазыңыз