Алдағы уақытта Ақтөбе мен Атырау арасында күнде ұшақ қатынайды

1 желтоқсаннан бастап Ақтөбе мен Атырау қалалары арасында жолаушылар ұшағы күнде қатынайды. Бұл туралы KAZ.NUR.KZ хабарлайды.

Мәлімет Көлік министрлігінің Telegram-арнасында жарияланды.

Тұрақты рейстерді Qazaq Air әуе компаниясы орындайды. Билет құны 13 мың теңгеден басталады. Ұшу уақыты – 1 сағат 20 минут.

Ұшақ дүйсенбі, сәрсенбі және жұма күндері Ақтөбеден сағат 17.50-де, ал Атыраудан 19.50-де әуеге көтеріледі. Сейсенбі, бейсенбі, сенбі және жексенбі күндері Ақтөбеден сағат 09.10-да, Атыраудан сағат 14.50-де ұшады.