Шымкентте қыс мезгіліне жедел ден қою жиынтық жасағының дайындығы тексерілді
Жарияланған күні:
Шымкентте қыс мезгіліне жедел ден қою жиынтық жасағының дайындығы тексерілді. Бұл туралы KAZ.NUR.KZ қалалық ТЖД баспасөз қызметіне сілтеме жасап хабарлайды.
ТЖД Instagram-дағы мәліметіне сүйенсек, 2024 жылғы 21-22 қарашада өтетін "Қыс – 2024" республикалық командалық-штабтық оқу-жаттығуы қарсаңында Шымкент қаласының жедел ден қою жиынтық жасағының қысқы кезеңге дайындығы тексерілген.
Шымкент қаласы Төтенше жағдайлар департаментінің бастығы генерал-майор Қуанар Базарбаевтың басшылығымен өткізілген іс-шарада арнайы техниканың, жол-пайдалану құралдарының, сондай-ақ инертті материалдардың қорына ерекше назар аударылды.
Іс-шараның мақсаты:
- Қыс мезгіліндегі төтенше жағдайларға қажетті техникалардың жарамдылығын тексеру;
- Апаттық-құтқару жұмыстарына арналған құралдардың дайындық деңгейін бағалау;
- Қысқы кезеңде туындауы мүмкін қауіпті метеорологиялық құбылыстардың алдын алу және оларды жою бойынша сұрақтарды пысықтау.
Бұл дайындық алдағы қыз мезгіліндегі төтенше жағдайларға жедел әрі тиімді жауап беру қабілетін арттыруға бағытталған.
Мақаланың түпнұсқасы: https://kaz.nur.kz/society/2190336-shymkentte-qys-mezgiline-zhedel-den-qoiu-zhiyntyq-zhasagynyng-daiyndygy-tekserildi/
