Шымкент цифрландыру басқармасының басшысы "Транстелеком" АҚ өкілдерімен кездесті

Шымкент цифрландыру басқармасының басшысы Мұхит Кемелов "Транстелеком" АҚ өкілдерімен кездесті. Бұл туралы KAZ.NUR.KZ хабарлайды.

Кездесу туралы ақпарат Шымкент қаласы цифрландыру басқармасының Instagram-дағы парақшасында жарияланды.

Шымкент қаласы цифрландыру басқармасы мен "Транстелеком" АҚ басшыларының кездесуі барысында компания өз жобаларын таныстырды. Кездесу нәтижесінде елдімекендерді оптика желісімен қамту бойынша екі жақты меморандумға қол қойылды.

Бұл келісім аймақтың цифрлық инфрақұрылымын дамытуға жаңа серпін беріп, тұрғындарға жоғары сапалы интернет қызметтерін ұсынуды мақсат етеді.