Жер сілкінісі қыста және түнде жиі болатыны рас па: ТЖМ өкілдері жауап берді

Алматыда қала тұрғындары жер сілкінісі қыста және түнде жиі болатынын айтып жатыр. "Бұл қаншалықты рас?" деген сұраққа ТЖМ өкілі жауап берді, деп хабарлайды KAZ. NUR.KZ.

Төтенше жағдайлар вице-министрі Батырбек Әбдішев қол қойған NUR.KZ ресми сауалына берген жауабында жер сілкінісі түнде жер қыртысының дірілінің және автомобиль қозғалысының жоқтығына байланысты айқынырақ сезілетіні айтылады.

Ведомствоның мәліметінше, ең қатты жер сілкінісі қыста немесе түнде болатыны туралы дәлелденген теория жоқ. Жер сілкіністері жылдың және тәуліктің кез келген уақытында тіркеледі.

"Жер сілкінісі – ешбір факторға байланысты емес, бұл қалыпты геологиялық құбылыс, жер қыртысының өзіндік тіршілігі бар, энергияның жинақталуына әкелетін әртүрлі процестер жүреді, ал жер сілкінісі – бұл энергияның жер бетіне шығуы.

Оны ешкім де, ештеңе де басқара алмайды. Әрі қарай Орталық мамандары осы жайттарды қадағалап, әр түрлі зерттеулер үшін каталогтарды пайдаланып, одан әрі тіркейді", - делінген жауапта.

Төтенше жағдайлар министрлігі өкілі елдегі сейсмикалық жағдайдың болжамы қалай жасалатынын да түсіндірді. Мамандар жыл басындағы сейсмикалық жағдайды бағалау бойынша қорытынды дайындап жатыр.

Содан кейін ай сайын сараптамалық комиссия жиналып, деректерді нақтылап, қорытынды дайындайды. Осы қорытынды негізінде апта сайынғы болжам жасалып, құзырлы органдарға жолданады.

Соңғы мәліметтер бойынша, Төтенше жағдайлар министрлігі 2024 жылдың соңына дейін магнитудасы 6 немесе одан жоғары жер сілкінісі болжанбағанын еске салды. Айта кетейік, мұндай болжамдардың ықтималдығы 70 пайызға тең.

Мамандар "Қазақстандағы сейсмикалық құбылыстардың саны артты ма?" деген сұраққа да жауап береді.

"Орталықтың (Сейсмологиялық бақылаулар және зерттеулер ұлттық ғылыми орталығы – ред. ескертпесі) мәліметтері бойынша, елде тіркелген жер сілкіністерінің саны өскен жоқ.

2022 жылмен салыстыратын болсақ, болған жер сілкіністерінің саны 10 мыңға жетіп, соңғы жылдары 8-9 мыңнан аспайды, бұл бұл өңір үшін қалыпты сейсмикалық режим", - деп жауап берді министрлік өкілдері редакция сауалына.

Айта кетейік, Жетісу өңірінде қараша айының соңында екі рет жер сілкінісі тіркеліп, оның біреуі 4 балға жеткен.

NUR.KZ тілшісі "Бұл аумақта жақынарада сейсмикалық құбылыстар бола ма?" деген де сауал жолдаған. Орталықтың жауабында облыс ең сейсмикалық қауіпті аймаққа кіретіні, сондықтан онда сейсмологиялық бақылау желісі орналасқаны айтылған.

"Бұл жерде жер сілкінісі әрқашан болған және бола береді, кейде бұл оқиғалар жай ғана аспаптарға жазылады (байқалмайды), кейде байқалмайтын құбылыстар да болады", - делінген жауапта.