180-нен аса өтініш қарастырылған: Шымкент әкімі азаматтарды қабылдады
Опубликовано:
Күні кеше Шымкент қаласы әкімдігінде азаматтарды кезекті қабылдау өтті. Қала тұрғындары тұрғын үй, жер қатынастары, әлеуметтік қамсыздандыру, абаттандыру мәселелеріне қатысты өтініштері мен ұсыныстарын жеткізді. Бұл туралы KAZ.NUR.KZ қала әкімдігінің баспасөз қызметіне сілтеме жасап хабарлайды.
Әкімдіктің Instagram-дағы мәліметінше, тұрғындар қаланың тыныс-тіршілігін жақсартуға байланысты ұсыныстарын білдірген. Бірқатар мәселенің шешімі алдағы жылдың жұмыс жоспарына енгізілді. Зерделеуді қажет ететін сұрақтар бойынша нақты тапсырмалар берілді.
Жалпы бір күн ішінде қала әкімі мен орынбасарлары, басқарма басшылары мен аудан әкімдері 180-нен астам азаматты қабылдаған.
Қала басшысы салаға жауаптыларға тұрғындармен кері байланыс орнатып, өзекті мәселелерді заң шеңберінде, қысқа мерзімде шешуді тапсырды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2196371-180-nen-asa-otinish-qarastyrylgan-shymkent-akimi-azamattardy-qabyldady/