Алматы полициясы конвой қызметінің көлігінен қашып кеткен күдіктіге іздеу жариялады

Алматы полиция департаменті айдауыл көлігінен қашып кеткен күдіктіге іздеу жариялады. Бұл туралы KAZ.NUR.KZ қалалық ПД баспасөз қызметіне сілтеме жасап хабарлайды.

Алматы қалалық полициясы 4 желтоқсанда кешке айдауыл қызметінің көлігінен қашып кеткен 1996 жылы туған К.Е.Аубакри іздеп жатыр.

Іздеудегі адамның белгілері: бойы 165-170 см, арық денелі, шашы қара, көзі қоңыр.

Ерекше белгілері: мұрыны қисық.

"К.Е.Аубакридің қайда екендігі туралы білетіндердің барлығынан мына телефон нөмірлері арқылы хабарласуларын сұраймыз: 8-701-758-67-60; 8-778-158-54-44; 254-40-42 немесе 102", - делінген хабарда.

Еске салсақ, бұған дейін қазақстандық кәсіпкер Дәурен Мұсаға іздеу жарияланған болатын. Іздестіру жұмыстарын жүргізетін орган – Алматы полиция департаменті.

Мәтіннен қате тапсаңыз, бізге жазыңыз