Тұман және бұрқасын: еліміздің бірнеше өңірінде ауа райына байланысты ескерту жарияланды

Синоптиктер Қазақстанның бірқатар өңірінде ауа райына байланысты ескерту жариялады – еліміздің басым бөлігінде тұман түсіп, бұрқасын болады. Бұл жөнінде "Қазгидромет" РМК-ға сілтеме жасаған KAZ.NUR.KZ хабарлайды.

Астанада 10 желтоқсанда түнде және таңертең тұман күтіледі.

Сейсенбі Жетісу облысының солтүстік бөлігінде тұман, жаяу бұрқасын болады деп болжанып отыр. Солтүстік-батыстан жел соғады, облыстың шығысында желдің екпіні 15-20 м/с-ке жетеді.

Ертең түнде және таңертең Қарағанды облысының солтүстігінде, шығысында тұман күтіледі.

10 желтоқсанда Маңғыстау облысында оңтүстік-шығыстан жел соғады, облыстың батысында 15-20 м/с күтіледі.

Ертең түнде және таңертең Ұлытау облысының шығысында тұман күтіледі.

Сейсенбі Ақмола облысының батысында, солтүстігінде, шығысында жаяу бұрқасын күтіледі. Түнде және таңертең облыстың оңтүстігінде, шығысында тұман түседі деп болжанып отыр. Оңтүстік-батыстан жел соғады, таңертең және күндіз облыстың батысында, солтүстігінде екпіні 15-20 м/с болады.

10 желтоқсанда түнде Павлодар облысының шығысында тұман күтіледі.

Ертең күндіз Солтүстік Қазақстан облысының батысында, солтүстігінде, шығысында бұрқасын күтіледі. Облыстың оңтүстігінде, шығысында тұман түседі. Оңтүстік-батыстан жел соғады, түнде облыстың батысында, солтүстігінде екпіні 15-20 м/с, күндіз күші 15-20 м/с, облыстың батысында, шығысында екпіні 23 м/с болады.

Синоптиктердің болжамынша, сейсенбі күндіз Қостанай облысының солтүстігінде, шығысында жаяу бұрқасын болады. Түнде және таңертең облыстың шығысында, оңтүстігінде тұман күтіледі. Оңтүстік-батыстан жел соғады, күндіз облыстың батысында, солтүстігінде, шығысында екпіні 15-20 м/с болады.

Ертең Түркістан облысының батысында, оңтүстігінде, тау бөктерлі аудандарында тұман күтіледі. Шығыстан жел соғады, күндіз тау асуларында 15- 20 м/с болады.

"9 желтоқсан сағат 20.00-ден 10 желтоқсан сағат 20.00-ге дейін Өскемен қаласы бойынша, күтіліп отырған қолайсыз метеорологиялық жағдайларға байланысты, ҚМЖ туралы екінші дәрежелі ескертуі жарияланады", - делінген "Қазгидромет" таратқан хабарламада.