Air Astana өкілдері Алматыдан ұшатын рейстер кешігетінін ескертті
Опубликовано:
Air Astana әуекомпаниясы өкілдері Алматы қаласынан ұшатын рейстер кешігетінін ескертті. Бұл туралы KAZ.NUR.KZ компания мәліметіне сүйене отырып хабарлайды.
"Air Astana әуекомпаниясы Алматыдан ұшатын рейстердің қалың қар жаууына байланысты кешігетінін хабарлайды. Қар ұшақтарды мұзға қарсы өңдеу жұмыстарына кедергі келтіреді", - деп жазылған әуекомпанияның Telegram-дағы арнасында жарияланған хабарламада.
Әзірге жолаушы тасымалдайтын ұшақтар нақты қанша уақытқа кешігетіні белгісіз.
Әуекомпания өкілдері жолаушылардан әуежайға шықпас бұрын компания сайтынан рейс мәртебесін тексеріп алуды өтінген.
Айта кетейік, жақында ғана отандық әзілкеш Жанболат Найзабеков Air Astana компаниясына назын жеткізген еді.
Оның алдында азаматтық авиация комитеті ұшақтардың кешігуіне байланысты мәлімдеме жасаған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2202996-air-astana-okilderi-almatydan-ushatyn-reister-keshigetinin-eskertti/