"Міне азамат!": желіде сарбаздарын үйіне шығарып салған сержант көпшіліктің ықыласына бөленді (видео)

Facebook желісіндегі парақшалардың бірінде тараған видеода сержант өзінің сарбаздарын үйіне шығарып салып жатқан сәтін көруге болады. Оның ақжолтай тілегі жұртшылықты тәнті етті. Бұл туралы KAZ.NUR.KZ хабарлайды.

"Жаман жолға түспеңдер! Оңай жолды ешқашан таңдамаңдар! Оңай жол, оңай ақша ешқашан жақсылыққа әкелмейді. Адал жолмен жүріп, адал еңбек етіңдер! Әке-шешелеріңнің үмітін ақтаңдар! Аңсаған армандарыңа жете беріңдер!" - деді сержант қоштасып жатып.

Видео астында сержанттың ақ тілегіне тәнті болған жұртшылық жарыса пікір қалдырып жатты: "міне азамат!", "нағыз ер азамат осындай болуы керек", "нағыз комбат, командир".