Алматы әуежайы өкілдері жолаушыларға үндеу жасады

Алматы халықаралық әуежайы екінші қабаттағы ұшу аймағына кіру үшін екінші пандус ашылғанын мәлімдеді. Бұл туралы әуежайдың баспасөз қызметіне сілтеме жасаған KAZ.NUR.KZ хабарлайды.

Әуежайдың Telegram-дағы ресми арнасында пайда болған ақпаратына сай, Алматы халықаралық әуежайы ұшып кету аймағына көтерілуді жеңілдету мақсатында 2-қабатқа көлікпен шығуға арналған екінші пандус ашылған.

Әуежай аумағына кіру Майлин көшесі және Ахметов көшесі арқылы жүзеге асырылады.

"Екінші пандус жолаушылар мен әуежай қонақтарына 2-қабаттағы ұшып кету аймағына жылдам әрі ыңғайлы кіруді қамтамасыз ету үшін жасалған", - делінген хабарламада.

Еске салсақ, бұған дейін Алматы әуежайы өкілдері жолаушылар мен оларды күтіп алып, шығарып салатын қала тұрғындарына үндеу жасаған еді.

Әуежайдың баспасөз қызметі Ахметова көшесінен 2-қабаттағы жөнелту аймағындағы пандусқа қосымша кіреберіс ашылғанын хабарлады.

Мәтіннен қате тапсаңыз, бізге жазыңыз