"Қарда жүретін көлікті басқарған": Қарағандыда полицейлер мас ер адамды ұстады

Қарағанды тұрғыны қаланың қақ ортасында қарда жүретін көлікті мас күйде жүргізген. Өңірлік полиция қызметкерлері 2025 жылдың алғашқы түнінде атқарған қызметі туралы баяндады, деп ІІМ-ге сілтеме жасаған KAZ.NUR.KZ хабарлайды.

Тәртіп сақшылары жол қауіпсіздігін қамтамасыз ету аясында көлік құралын мас күйінде басқарған екі жүргізушіні ұстады. Олардың бірі — қаланың орталығында қарда жүретін көлікті басқарған 37 жастағы ер адам.

Құжаттарын тексеру кезінде одан алкоголь иісі анықталып, медициналық сараптама оның жеңіл дәрежедегі мас екенін растады. Жүргізушіге қатысты әкімшілік хаттама толтырылып, іс сотқа жіберіледі.

Оған қоса патрульдеу барысында полиция қызметкерлері туындаған жағдайларға жедел әрекет етті. Мәселен, адамдар көп жиналған жерде жоғалып кеткен үш жасөспірім табылып, полицейлер оларды ата-аналарына қайтарды.

Мәтіннен қате тапсаңыз, бізге жазыңыз